ಮಳೆಯೆಂದರೆ ಹೀಗೆ ?

ನಿನ್ನೆ ಯಾಕೆ ಮಳೆ ಸುರಿಯಿತೋ
ನಾಡೆಲ್ಲ ತಂಪಾಗಿದೆ
ಇನ್ನೂ ಬಿಸಿಲಿರಬಾರದಿತ್ತೆ.
ನಾನು ಆ ಬಿಸಿಲಲ್ಲಿ ಸುಟ್ಟು ಹೋಗಬಾರದೆ
ಎಲ್ಲವೂ ತಂಪಾಗಿದೆ,ಆದರೆ
ನನ್ನ ಮನಸ್ಸಲ್ಲಿ ಬೆಂಕಿಯ ನೋವಿದೆ
ಎದೆಯೊಳಗಡೆ ಸಾವಿರ ಹಾವು ಹರಿದಾಡುತ್ತಿದೆ

ಕನಸಲ್ಲಿ ಸುಖವಿಲ್ಲ
ಹಳೆಯ ದಿನಗಳು ಮತ್ತೆ ಯಾಕೋ ಮರುಕಳಿಸುತ್ತಿದೆ
ನನ್ನ ಕೋಪ ನನ್ನ ಸುಡಬಾರದೆ

ಸುಡು ಎಂದರೂ ಸುಡದ ಈ ಬೆಂಕಿ
ನಿಲ್ಲೂ ಎಂದರೂ ನಿಲ್ಲದ ಗಾಳಿ
ಹೋಗು ಎಂದರೂ ಹೋಗದ ಬೆಳಕು
ನನ್ನ ಬದುಕ ಚುಚ್ಚುತ್ತಿದೆ

ಕಾಲ ಕೆಳಗೆ ಸಮುದ್ರ
ದೂರದಲ್ಲೆಲ್ಲೂ ಮಳೆ ಬರುವ ಸದ್ದು
ಕೇಳುವ ದಿನ ಎಂದೂ ಬರುವುದೋ.....