ನಿರೀಕ್ಷೆಗಳೇ ಹೀಗೆ

ಮದರಂಗಿ ಹಚ್ಚುತ್ತಾಳೆ ಹುಡುಗಿ
ಪ್ರೀತಿ ಕಟ್ಟುತ್ತಾಳೆ
ಅಂಗೈಯಲ್ಲಿ ಚಿತ್ತಾರ
ಕನಸಿನದ್ದೆ ರೇಖೆ
ಅಂಗೈಯಲ್ಲಿ ಜಾಗವಿಲ್ಲ
ದೂರದ ದಾರಿಗೆ ಕೊನೆಯಿಲ್ಲ
ದೃಷ್ಟಿ ಸಾಗುತ್ತಿದೆ - ಸಾಗುತ್ತದೆ
ಅಂಗೈಯಲ್ಲಿ ಮೊಡಿದ ಚಿತ್ತಾರ ನೋಡುವ ಬಯಕೆ.


ಮನಸ್ಸಿನಲ್ಲಿ ಸಾವಿರ ಚಿತ್ತಾರ
ಅದೆಷ್ಟೋ ನಿರೀಕ್ಷೆಗಳು
ದಿನಾ ಇದೇ ಪಾಡು
ನಿರೀಕ್ಷೆಗಳನ್ನು ಹೊತ್ತು ಸಾಗುವುದು

ಮದರಂಗಿ ಕೆಂಪೇರುತ್ತಿದೆ
ನಿರೀಕ್ಷೆಗಳು ಮಾತ್ರ ಕೆಂಪೇರಿಲ್ಲ
ಮಧ್ಯರಾತ್ರಿ ಕಳೆದರೂ
ಕನಸು ಬಂಡಿ ಹೂಡಿಲ್ಲ - ಕಣ್ಣ ರೆಪ್ಪೆ ಮುಚ್ಚಿಲ್ಲ
ದಾರಿಯಲ್ಲಿಲ್ಲೊಂದು ನೆರಳು ಕಾಣದೆ
ಕನಸು ಕಾಣುವುದಾದರೂ ಹೇಗೆ