ಮತ್ತೊಂದು ಕನಸು

ನಿನ್ನ ಅಂಗೈಯಲ್ಲಿ ನನ್ನ ಅಂಗೈ ಬಂಧಿಯಾಗಿ
ನಾವಿಬ್ಬರೂ ಓಡಬೇಕು
ಸಮುದ್ರದಂಡೆಯಲಿ
ಮರಳರಾಶಿಯ ತುಂಬಾ ನಮ್ಮದೇ ಪಾದದ ಗುರುತು
ಮುತ್ತಿಕ್ಕುವ ಅಲೆಗೇನೂ ಗೊತ್ತು
ನಮ್ಮ ಓಟದ ಗುರಿ

ಸೊರ್ಯ ಮುಳುಗುವ ಹೊತ್ತಿಗೆ
ನೀರು ಚುಂಬಿಸುವಷ್ಟರಲ್ಲಿ
ನಾನು ನಿನ್ನೊಳಗೆ ಬಂಧಿಯಾಗಬೇಕು
ಓಟ ಮುಗಿದಿರಬೇಕು,
ನಿನ್ನ ನಾಚಿಕೆ ರಂಗೇರಬೇಕು
ಸೂರ್ಯನ ಕೆಂಪಿನಂತೆ

ನಿನ್ನ ಎದೆಯೊಳಗೆ ನಾನು ಉರಿಯಬೇಕು
ಹಣತೆಯಂತೆ ಹುಣ್ಣೆಮೆಯ ಚಂದಿರನಂತೆ
ನನ್ನೊಳಗೆ ನೀನು ಉರಿಯಬೇಕು
ನನ್ನಂತೆ..........


( ನಾಳೆ ಪ್ರೀತಿಯ ದಿನ, ಹಲವು ತಿಂಗಳುಗಳ ಹಿಂದೆ ಬರೆದ ಕವನ ಇಲ್ಲಿದೆ...)